ისარგებლეთ ინტერნეტბანკით და ბანკში ვიზიტის გარეშე 24 საათის განმავლობაში შეასრულეთ სხვადასხვა საბანკო ოპერაციები
თუ უკვე ბრძანდებით ფინკა ბანკის ინტერნეტ ბანკინგის მომხმარებელი, ავტომატურად გექნებათ წვდომა მობაილ ბანკზე. ისარგებლეთ დისტანციური მომსახურებით ნებისმიერ დროსა და ადგილას
ძვირფასო მომხმარებლებო,
შეგახსენებთ ფინკა ბანკის ელექტრონული სერვისებით სარგებლობის უსაფრთხოების წესებსა და რეკომენდაციებს.
იმისთვის, რომ თავი დაიცვათ ინტერნეტ თაღლითებისგან:
• არასოდეს გაუზიაროთ მესამე პირებს კონფიდენციალური ინფორმაცია (მომხმარებლის სახელი/პაროლი, პინ კოდი, ბარათის ნომერი) ელექტრონული ფოსტის ან ტელეფონის საშუალებით. გახსოვდეთ, ფინკა ბანკი არასოდეს სთხოვს თავის კლიენტებს ასეთი ინფორმაციის გაზიარებას.
• არ გადახვიდეთ ინტერნეტ ბანკის ვებ-გვერდზე ელექტრონულ ფოსტაზე მოსულ შეტყობინებებში, სოციალურ ქსელებში, SMS შეტყობინებებსა და/ან სხვადასხვა ვებ გვერდებზე განთავსებული ბმულებიდან: ყოველთვის აკრიფეთ ინტერნეტ ბანკის მისამართი თავად (იმ შემთხვევაშიც კი, როდესაც მეილი ან SMS შეტყობინება მოსულია ბანკის სახელით).
• ყურადღებით გადაამოწმეთ ვებ გვერდის მისამართი, სადაც შეგყავთ თქვენი მონაცემები. შესაძლოა სახეშეცვლილი მისამართები სპეციალურად იყოს შექმნილი თაღლითების მიერ თქვენი პირადი მონაცემების მოსაპარად.
მაგალითისთვის ifinca.ge მისამართის ნაცვლად თქვენ შესაძლოა მოხვდეთ ყალბ ვებ გვერდზე მიმსგავსებული სახელით: ifinca.com (.ge-ს ნაცვლად ბოლოვდება .com-ით) ან ifnca.ge (სახელში გამოტოვებული "i" სიმბოლო). ამიტომ მნიშვნელოვანია, რომ მონაცემების შეყვანამდე დარწმუნდეთ, ნამდვილად იმყოფებით თუ არა ფინკა ბანკის ვებ-გვერდზე. ინტერნეტ და მობაილ ბანკის უსარფთხოებასთან დაკავშირებით გთხოვთ იხილოთ დამატებითი ინფორმაცია
ასევე მნიშვნელოვანია იცოდეთ - კორონა ვირუსის პანდემიის პერიოდში სხვადასხვა საქველმოქმედო საიტი შეიქმნა, სხვადასხვა ქვეყნისა თუ ქალაქის დასახმარებლად. სამწუხაროდ, მათი დიდი უმრავლესობა „თაღლითური“ საიტებია, რომლებიც ბარათის მფლობელების მიერ მონაცემების შეყვანისას ინახავს ბარათის ინფორმაციას და შემდგომ კვლავ აჭრის გარკვეულ თანხებს ბარათის მფლობელებს.
სანამ გადახდას განახორციელებთ საიტებზე, დარწმუნდით საიტის სანდოობაში და შემდგომ მოახდინეთ ბარათის მონაცემების შეყვანა. ინტერნეტით/ელექტრონული გადახდების განხორციელებამდე ყოველთვის იხელმძღვანელეთ პრინციპით - შეჩერდი, დაფიქრდი და გადაამოწმე, იმოქმედე.
